Արսեն Վենգերն ունի կարիերան շարունակելու 4 տարբերակ
23:16 23 ապրիլի, 2018Ֆրանսիացի Արսեն Վենգերն ունի ֆուտբոլային կարիերան շարունակելու մի քանի տարբերակ, հաղորդում է tf1.fr-ն:
Չինաստանի կառավարությունը պատրաստ է այդ երկրի ֆուտբոլի զարգացումը վստահել Վենգերին՝ տալով գործողությունների լիարժեք ազատություն: Վենգերին ցանկանում են տեսնել Ճապոնիայի ազգային հավաքականի գլխավոր մարզիչի պաշտոնում: Նա 1995-1996 թվականներին գլխավորել է ճապոնական «Նագոյա Գրամպուս» թիմը:
Փարիզի ՊՍԺ-ն ցանկությունի ունի Վենգերին տեսնել ակումբային կառուցվածքում, որեւէ ղեկավար պաշտոնում:
Չի բացառվում նաեւ, որ Վենգերը փոխարինի Պետեր Շտեգերին Դորտմունդի «Բորուսիայի» գլխավոր մարզիչի պաշտոնում:
Հիշեցնենք, որ ապրիլի 20-ին հայտնի էր դարձել, որ ֆրանսիացի մասնագետն ընթացիկ մրցաշրջանի վերջում հեռանալու է անգլիական ակումբից:
68-ամյա Վենգերը 1996 թվականից է գլխավորում «Արսենալը», որի հետ նվաճել է 17 տիտղոս՝ դառնալով Անգլիայի եռակի չեմպիոն (1997/98, 2001/02, 2003/04 մրցաշրջաններում)։ Նրան է պատկանում Պրեմյեր լիգայում անցկացրած խաղերի ռեկորդը (823 հանդիպում):
Անգլիայի ընթացիկ առաջնության ավարտից 5 խաղ առաջ լոնդոնյան ակումբը 57 միավորով 6-րդ տեղում է, իսկ Եվրոպայի լիգայում դուրս է եկել կիսաեզրափակիչ, որտեղ կմրցի Մադրիդի «Աթլետիկոյի» հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.