Սալահ. Հեշտ չի լինի, քանի որ սիրում եմ «Ռոմա» ակումբը
19:11 23 ապրիլի, 2018Ինձ համար հեշտ չի լինի, քանի որ սիրում եմ «Ռոմա» ակումբը, ասել է անգլիական «Լիվերպուլի» եգիպտացի հարձակվող Մոհամեդ Սալահը Չեմպիոնների լիգայի կիսաեզրափակիչի հանդիպումից առաջ:
«Ամեն օր զրուցում եմ «Ռոմայի» խաղացողների հետ, երեկ զրուցել եմ Ֆրանչեսկո Տոտիի հետ: Ես սիրում եմ այդ ակումբը, քաղաքը, եւ գիտեմ, որ նրանք ինձ նույնպես սիրում են: Շատ են հույզերը: Մեզ սպասվում է բարդ հանդիպում: Ես «Ռոմայում» անցկացրել եմ երկու տարի: Նրանք գիտեն, թե ինչպես եմ խաղում, իսկ ես գիտեմ, թե նրանք ինչպես են խաղում»,- Սալահի խոսքը մեջբերում է Sky Sports-ը:
Սալահը «Ռոմայում» անցկացրած երկու մրցաշրջանների ընթացքում մասնակցել է 65 հանդիպման, խփել է 29 գոլ:
«Լիվերպուլն» ու «Ռոման» առաջին հանդիպումը կանցկացնեն ապրիլի 24-ին Անգլիայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։