Մոհամեդ Սալահը՝ Պրեմյեր լիգայի լավագույն ֆուտբոլիստ (ֆոտո)

«Լիվերպուլի» եգիպտացի հարձակվող Մոհամեդ Սալահը Պրոֆեսիոնալ ֆուտբոլիստների ասոցիացիայի (PFA) վարկածով ճանաչվել է Անգլիայի 2017/18թթ. առաջնության լավագույն ֆուտբոլիստ:

Մրցանակին հավակնում էին նաեւ «Մանչեսթեր Յունայթեդի» իսպանացի դարպասապահ Դավիդ դե Խեան, «Մանչեսթեր Սիթիի» կիսապաշտպաններ Կեւին դե Բրույնեն, Լերոյ Սանեն ու Դավիդ Սիլվան եւ Լոնդոնի «Տոտենհեմի» անգլիացի հարձակվող Հարի Քեյնը:

Անգլիայի ընթացիկ առաջնությունում 25-ամյա Սալահը 33 խաղում դարձել է 31 գոլի ու 9 գոլային փոխանցման հեղինակ եւ միանձնյա գլխավորում է ռմբարկուների ցուցակը:

Տարվա լավագույն երիտասարդ ֆուտբոլիստ է ճանաչվել «Մանչեսթեր Սիթիի» գերմանացի կիսապաշտպան Լերոյ Սանեն: Նա առաջ է անցել Հարի Քեյնից («Տոտենհեմ»), Էդերսոնից («Մանչեսթեր Սիթի»), Մարկուս Ռեշֆորդից («Մանչեսթեր Յունայթեդ»), Ռայան Սեսենյոնից («Ֆուլհեմ») եւ Ռահիմ Ստերլինգից («Մանչեսթեր Սիթի»):

Congratulations to @LFC's Mo Salah, crowned the Men’s PFA Players’ Player of the Year #PFAAwards pic.twitter.com/fpvxwZgfdP

— PFA (@PFA) 22 апреля 2018 г.