«Մանչեսթեր Սիթիի» երկրպագուները մտել են խաղադաշտ եւ տոնել չեմպիոնությունը

«Մանչեսթեր Սիթիի» երկրպագուները Պրեմյեր լիգայի 35-րդ տուրում «Սուոնսիի» նկատմամբ 5:0 հաշվով տնային հաղթանակից հետո մտել են խաղադաշտ եւ ֆուտբոլիստների հետ տոնել Անգլիայի չեմպիոնությունը:

«Մանչեսթեր Սիթին» Անգլիայի չեմպիոնի տիտղոսն ապահովել էր նախորդ տուրի արդյունքում:

«Մանչեսթեր Սիթին» գլխավորող Խոսեպ Գվարդիոլան առաջին իսպանացի մարզիչն է, որը հաղթում է Անգլիայի Պրեմյեր լիգայում: Դա 47-ամյա Գվարդիոլայի 7-րդ չեմպիոնությունն էր եւ 23-րդ տիտղոսը մարզչական կարիերայի 9 մրցաշրջանների ընթացքում:

«Մանչեսթեր Սիթին» Անգլիայի չեմպիոն դարձավ 5-րդ անգամ՝ կրկնելով 1936/37, 1967/68, 2011/12 եւ 2013/14 մրցաշրջանների հաջողությունը:

«Մանչեսթեր Սիթին» կրկնել էր «Մանչեսթեր Յունայթեդի» (1907/08, 2000/01) եւ «Էվերտոնի» (1984/85) ռեկորդները՝ Անգլիայի չեմպիոն դառնալով առաջնության ավարտից 5 տուր առաջ:

Yaya/Kolo pic.twitter.com/eNVcQikyPo

— Sam Lee (@Sammy_Goal) 22 апреля 2018 г.