Միհրան Հարությունյան. Հիմա ես հեռու եմ Երեւանից, սակայն հոգով ու սրտով ձեզ հետ եմ
11:45 22 ապրիլի, 2018Ռիո-2016-ի օլիմպիական փոխչեմպիոն, հունահռոմեական ըմբշամարտի Հայաստանի հավաքականի անդամ Միհրան Հարությունյանն անդրադարձել է Երեւանում շարունակվող ընդդիմադիր շարժմանը:
«Հեռավոր 1995 թվականին ընդունվեց մեր հայրենիքի սահմանադրությունը, որն ասում է. «Հայաստանի Հանրապետության իշխանությունը պատկանում է ժողովրդին»: Հենց այդ ժամանակ իշխում էր արդարությունը, երբ հայերը վերջապես կարողացան կառուցել իրենց աշխարհը: Այսօր, երբ մենք լուրջ բախումների շեմին ենք, ես ցանկանում եմ ասել, որ կանգնած եմ իմ քույրերի եւ եղբայրների, ուժեղ, ստեղծագործող ու աշխատասեր հայ ազգի կողքին: Մեզ հետ է Աստված, հավատն ու ճշմարտությունը:
P.S. հիմա ես հեռու եմ Երեւանից, սակայն հոգով ու սրտով ձեզ հետ եմ»,-Ինստագրամում գրել է 29-ամյա ըմբիշը:
Հիշեցնենք, որ ավելի վաղ Հայաստանի ազգային հավաքականի նախկին ֆուտբոլիստ, շվեդական «Յուրգորդենի» հարձակվող Յուրա Մովսիսյանը ոստիկանությանը կոչ էր արել դադարեցնել բռնությունը, իսկ Հայաստանի առաջատար շախմատիստները, այդ թվում՝ Լեւոն Արոնյանը, հայտարարություն էին տարածել՝ իրենց աջակցությունը հայտնելով վարչապետ Սերժ Սարգսյանին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.