Կլոպ. Եթե լինեին ճիշտ մրցավարական որոշումներ, կհաղթեինք 3:0 կամ 3:1 հաշվով
21:05 21 ապրիլի, 2018Անգլիայի առաջնության 35-րդ տուրում «Վեստ Բրոմվիչի» հետ 2:2 հաշվով խաղալուց հետո «Լիվերպուլի» գերմանացի գլխավոր մարզիչ Յուրգեն Կլոպը դժգոհել է խաղադաշտից վիճակից եւ մրցավարությունից:
«Մենք վատ չէինք վերահսկում խաղը: Մրցակիցը պահեր ուներ միայն ստանդարտ դիրքերից: Մենք շատ լավ էինք պաշտպանվում: Ամբողջ հանդիպման ժամանակ երկրպագուների կողմից ճնշում կար մեր դարպասապահի վրա: Անգլիայում դա սիրում են, բայց այդ պատճառով մեր դարպասապահի համար հեշտ չէր:
Ընթացքում ավելի բարդ էր դառնում խաղալը, քանի որ խաղադաշտը դառնում է չոր, իսկ «Վեստ Բրոմվիչը» որոշեց ընդմիջմանը չջրել խաղադաշտը: Այդպիսի թիմերին պետք չէ խոնավ խաղադաշտ: Հաջորդ մրցաշրջանում նրանք կխաղան Չեմպիոնշիփի չոր խոտածածկերի վրա:
Երբ Ինգզը 11 մետրանոց էր պահանջում, բոլորը ծիծաղում էին, բայց ես չեմ ճանաչում որեւէ ֆուտբոլիստի, որն այդ իրադրությունում չընկներ: Մեզ անհրաժեշտ էին ճիշտ մրցավարական որոշումներ, որոնց դեպքում կհաղթեինք 3:0 կամ 3:1 հաշվով»,- Կլոպի խոսքը մեջբերում է BBC-ն:
«Վեստ Բրոմվիչը» 25 միավորով մնում է վերջին տեղում, «Լիվերպուլը» 73 միավորով երրորդն է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։