The Sun. «Արսենալի» ղեկավարությունն է Վենգերին ստիպել հրաժարական ներկայացնել
10:39 21 ապրիլի, 2018Լոնդոնի «Արսենալի» ղեկավարությունն է թիմի գլխավոր մարզիչ Արսեն Վենգերին ստիպել հրաժարական ներկայացնել՝ համաձայնելով վճարել 11 միլիոն ֆունտ ստերլինգ փոխհատուցում, գրում է բրիտանական The Sun-ը:
Ֆրանսիացի մասնագետի պայմանագիրը նախատեսված է մինչեւ 2019 թվականի հունիս: Նա ցանկություն է ունեցել մնալ թիմում մինչեւ պայմանագրի ավարտը:
Վենգերին հեռացնելու նախաձեռնությունը անգլիական ակումբի բաժնետոմսերի վերահսկիչ փաթեթի սեփականատեր, ամերիկացի միլիարդատեր գործարար Սթեն Կրոնկեինն է:
Արսեն Վենգերը ապրիլի 20-ին հանդես էր եկել պաշտոնական հայտարարությամբ՝ նշելով, որ ընթացիկ մրցաշրջանի վերջում կհեռանա զբաղեցրած պաշտոնից:
68-ամյա Վենգերը 1996 թվականից է գլխավորում «Արսենալը», որի հետ նվաճել է 17 տիտղոս՝ դառնալով Անգլիայի եռակի չեմպիոն (1997/98, 2001/02, 2003/04 մրցաշրջաններում)։ Նրան է պատկանում Պրեմյեր լիգայում անցկացրած խաղերի ռեկորդը (823 հանդիպում):
Անգլիայի ընթացիկ առաջնության ավարտից 5 խաղ առաջ լոնդոնյան ակումբը 54 միավորով 6-րդ տեղում է, իսկ Եվրոպայի լիգայում դուրս է եկել կիսաեզրափակիչ, որտեղ կմրցի Մադրիդի «Աթլետիկոյի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։