Վանես Մարտիրոսյանի ու Գենադի Գոլովկինի մենամարտի տոմսերի կեսը սպառվել է

Պրոֆեսիոնալ բռնցքամարտի միջին քաշային կարգում WBC, WBA Super, IBF եւ IBO վարկածներով աշխարհի չեմպիոն, ղազախ Գենադի Գոլովկինի եւ ամերիկահայ Վանես Մարտիրոսյանի միջեւ մենամարտի տոմսերը սպառվում են շատ արագ:

ESPN-ի համաձայն՝ արդեն վաճառվել է 4 329 տոմս, ինչը կազմում է մարզապալատի տեղերի մոտ կեսը: Ամենաէժան տոմսի գինը 53 դոլար է, իսկ ամենաթանկը՝ 767 դոլար:

Հիշեցնենք, որ Գոլովկինի եւ Մարտիրոսյանի միջեւ մենամարտը տեղի կունենա մայիսի 5-ին Լոս Անջելեսի մոտակայքում գտնվող StubHub Center մարզապալատում, որն ունի մոտ 8 հազար նստարան:

Հայ բռնցքամարտիկը նախորդ մենամարտն անցկացրել է 2016 թվականի մայիսին՝ մրցավարների միաձայն որոշմամբ պարտվելով առաջին միջին քաշային կարգում IBO եւ WBA վարկածներով աշխարհի չեմպիոն Էրիսլանդի Լարային։