Նոյերը մարզվել է «Բավարիայի» ընդհանուր խմբում

17:15   20 ապրիլի, 2018

Մյունխենի «Բավարիայի» գերմանացի դարպասապահ Մանուել Նոյերը մոտ է խաղադաշտ վերադառնալուն:

«Բավարիայի» մամուլի ծառայությունը հայտնում է, որ ապրիլի 20-ին կայացած մարզման առաջին հատվածում Գերմանիայի ազգային հավաքականի 32-ամյա ֆուտբոլիստը մարզվել է ընդհանուր խմբի հետ, իսկ հետո աշխատել անհատական ծրագրով:

Հիշեցնենք, որ Նոյերը դաշտից բացակայում է սեպտեմբերից, երբ ստացել էր ձախ ոտքի կոտրվածք: Նա հույս ունի մասնակցել այս ամռանը Ռուսաստանում կայանալիք աշխարհի առաջնության եզրափակիչ մրցաշարին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։