Պաշտոնական. Արսեն Վենգերը հեռանում է «Արսենալից»
13:07 20 ապրիլի, 2018Լոնդոնի «Արսենալի» գլխավոր մարզիչ Արսեն Վենգերը հանդես է եկել պաշտոնական հայտարարությամբ՝ նշելով, որ ընթացիկ մրցաշրջանի վերջում կհեռանա զբաղեցրած պաշտոնից, հայտնում է ակումբի կայքը:
«Մանրակրկիտ մտորումներից ու ակումբի հետ երկարատեւ քննարկումներից հետ զգացի, որ եկել է հարմար պահ մրցաշրջանից հետո «Արսենալի» գլխավոր մարզիչի պաշտոնից հեռանալու համար:
Շնորհակալ եմ, որ նման պատիվ եմ ունեցել երկար ու հիշարժան տարիներ ծառայել այս ակումբին: Ես թիմը մարզել եմ նվիրվածությամբ ու անկեղծությամբ»,- ասվում է ֆրանսիացի մասնագետի հայտարարությունում:
68-ամյա Վենգերը 1996 թվականից է գլխավորում «Արսենալը», որի հետ նվաճել է 17 տիտղոս՝ դառնալով Անգլիայի եռակի չեմպիոն (1997/98, 2001/02, 2003/04 մրցաշրջաններում)։ Նրան է պատկանում Պրեմյեր լիգայում անցկացրած խաղերի ռեկորդը (823 հանդիպում):
Անգլիայի ընթացիկ առաջնության ավարտից 5 խաղ առաջ լոնդոնյան ակումբը 54 միավորով 6-րդ տեղում է, իսկ Եվրոպայի լիգայում դուրս է եկել կիսաեզրափակիչ, որտեղ կմրցի Մադրիդի «Աթլետիկոյի» հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.