Սաուլ Ալվարեսը որակազրկվել է 6 ամսով, Գոլովկինի հետ կմենամարտի Վանես Մարտիրոսյանը
09:09 19 ապրիլի, 2018Պրոֆեսիոնալ բռնցքամարտի առաջին միջին քաշային կարգում WBC, WBA եւ WBO վարկածներով աշխարհի նախկին չեմպիոն Սաուլ Ալվարեսը 6 ամսով որակազրկվել է դոպինգի համար, հայտնում է USA Today-ը:
Մեքսիկացի 27-ամյա բռնցքամարտիկը ծրագրել է ռինգ վերադառնալ սեպտեմբերին: Նրա որակազրկումը կավարտվի օգոստոսի 17-ին:
Մայիսի 5-ին Սաուլ Ալվարեսը պետք է մենամարտեր միջին քաշային կարգում WBC, WBA Super, IBF եւ IBO վարկածներով աշխարհի չեմպիոն, ղազախ Գենադի Գոլովկինի հետ: Այդ մենամարտում նրան կփոխարինի ամերիկահայ Վանես Մարտիրոսյանը: Հանդիպումը տեղի կունենա Լոս Անջելեսի StubHub Center-ում:
Հիշեցնենք, որ հայ բռնցքամարտիկը նախորդ մենամարտն անցկացրել է 2016 թվականի մայիսին՝ մրցավարների միաձայն որոշմամբ պարտվելով առաջին միջին քաշային կարգում IBO եւ WBA վարկածներով աշխարհի չեմպիոն Էրիսլանդի Լարային։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։