Աշխարհի առաջին ռակետ, իսպանացի Ռաֆայել Նադալը լուրջ է տրամադրված Ռուսաստանի երկրորդ ռակետ Կարեն Խաչանովի հետ առաջիկա դիմակայությանը, որը տեղի կունենա Մոնտե Կարլոյի «Մասթերս» մրցաշարի երրորդ շրջանում:
«Հրաշալի է, որ կարողացա դուրս գալ երրորդ շրջան: Պետք է տեւական ընդմիջումից հետո գտնեմ խաղային ռիթմս: Խաչանովը զգալի առաջընթաց է ունեցել այս տարի: Ես պետք է պատրաստ լինեմ լուրջ մրցախաղի»,- Նադալի խոսքը մեջբերում է մրցաշարի մամուլի ծառայությունը:
Հիշեցնենք, որ Կարեն Խաչանովը երկրորդ շրջանում 6:2, 6:2 հաշվով առավելության է հասել ֆրանսիացի Ժիլ Սիմոնի նկատմամբ: Պայքարը տեւել է 1 ժամ 23 րոպե:
Ռաֆայել Նադալը 1 ժամ 19 րոպեում պարտության է մատնել սլովենացի Ալյաժ Բեդենեին՝ 6:1, 6:3:
Խաչանովի եւ Նադալի հանդիպումը տեղի կունենա ապրիլի 19-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։