Անգլիայի չեմպիոն «Մանչեսթեր Սիթին» ամռանը կձգտի ձեռք բերել ֆրանսիական ՊՍԺ-ի եւ Ֆրանսիայի հավաքականի հարձակվող Կիլիան Մբապեին եւ Մյունխենի «Բավարիայի» իսպանացի կիսապաշտպան Տիագո Ալկանտարային: «Մանչեսթեր Սիթին» ամռային տրանսֆերների համար կհատկացնի առնվազն 200 միլիոն ֆունտ ստերլինգ, հաղորդում է Sky Sports-ը:
Հնարավոր թեկնածուների թվում կլինի նաեւ անգլիական «Քրիսթալ Փելասի» կոտդիվուարցի հարձակվող Ուիլֆրիդ Զաան:
19-ամյա Մբապեն այս մրցաշրջանում ՊՍԺ-ի կազմում անցկացրած 40 հանդիպումներում խփել է 19 գոլ, կատարել 17 գոլային փոխանցում: 27-ամյա Ալկանտարան «Բավարիայի» հետ մասնակցել է 24 հանդիպման, խփել 6 գոլ, կատարել 1 գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։