Լոնդոնի «Արսենալի» գլխավոր մարզիչ Արսեն Վենգերը դժգոհ է, որ անգլիական ակումբները դեմ են քվեարկել տեսակրկնապատկերների VAR համակարգի կիրառմանը Պրեմյեր լիգայում:
«Ցավոք, Պրեմյեր լիգան դարձյալ որոշեց հրաժարվել VAR համակարգից: Կարծում եմ, որ դա շատ վատ որոշում էր: Այս մրցաշրջանում յուրաքանչյուր մեծ հանդիպում ուղեկցվում է սխալներով, որոնցից կարելի էր խուսափել VAR-ի միջոցով: Հատկապես խոսքը «Մանչեսթեր Սիթիի» ու «Լիվերպուլի» միջեւ Չեմպիոնների լիգայի խաղի մասին է»,- ֆրանսիացի մասնագետի խոսքը մեջբերում է Reuters-ը:
Ավելի վաղ հայտնի էր դարձել, որ հաջորդ մրցաշրջանում եւս Անգլիայի առաջնությունում չի լինելու VAR համակարգը: Անգլիական ակումբներում կարծում են, որ այդ համակարգը դեռ ունի շտկումների կարիք:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։