«Մանչեսթեր Սիթին» գլխավորող Խոսեպ Գվարդիոլան առաջին իսպանացի մարզիչն է, որը հաղթում է ֆուտբոլի Անգլիայի Պրեմյեր լիգայում, գրում է Squawka-ն:
«Մանչեսթեր Յունայթեդի»՝ «Վեստ Բրոմվիչից» կրած տնային պարտությունից հետո «Մանչեսթեր Սիթին» Անգլիայի առաջնության ավարտից 5 տուր առաջ ապահովել էր չեմպիոնի տիտղոսը:
Նախկինում Անգլիայի առաջնությունում հաղթել էին անգլիացի, իռլանդացի, իտալացի, ֆրանսիացի, պորտուգալացի, շոտլանդացի եւ չիլիացի մարզիչներ:
Դա 47-ամյա Գվարդիոլայի 7-րդ չեմպիոնությունն էր եւ 23-րդ տիտղոսը մարզչական կարիերայի 9 մրցաշրջանների ընթացքում:
Հիշեցնենք, որ Խոսեպ Գվարդիոլան անգլիական ակումբը գլխավորում է 2016 թվականից: Այս տարի նա «Մանչեսթեր Սիթիի» հետ դարձել էր նաեւ Անգլիական լիգայի գավաթակիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։