Ֆուտբոլի Հայաստանի ազգային հավաքականի գլխավոր մարզիչի պաշտոնում երկրորդ անգամ նշանակված Վարդան Մինասյանը չի բացառել, որ շվեդական «Յուրգորդեն» տեղափոխված հարձակվող Յուրա Մովսիսյանը կհրավիրվի հավաքական: Այդ մասին նա ասել RԷվոլյուցիա հաղորդման նկարահանման ժամանակ:
«Բոլոր ֆուտբոլային որոշումները կայացնելու է մարզչական շտաբը: Հավատացեք՝ հավաքականում խաղալու ամենամեծ մոտիվացիան հայրենասիրությունն է, դու ինչ-որ պայմանագրով չես աշխատում:
Ուրախալի է, որ Յուրա Մովսիսյանը եկել է Շվեդիա, մենք հետեւելու ենք նրան: Եթե ցույց տվեց նույն որակները, որ մենք գիտենք՝ ինքը ինչի է ընդունակ, ապա հրավիրվելու է հավաքական:
Ռոբերտ Արզումանյանը 2 տարի է ֆուտբոլ չի խաղում»,- ասել է մարզիչը:
Հիշեցնենք, որ նախորդ երկու ընկերական հանդիպումներում Հայաստանի հավաքականը Երեւանում 0:0 հաշվով խաղաց Էստոնիայի թիմի հետ եւ 0:1 հաշվով պարտվեց լիտվացիներին:
Այդ հանդիպումներից հետո Արթուր Պետրոսյանը հեռացվեց պաշտոնից: Նա հայտարարել էր, որ Յուրա Մովսիսյանին հավաքական հրավիրելու թեման փակված է ՀՖՖ նախագահ Ռուբեն Հայրապետյանի կողմից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։