Եվրոպայի լիգա. «Արսենալը» կխաղա «Աթլետիկոյի» հետ

14:11   13 ապրիլի, 2018

Եվրոպայի լիգայի կիսաեզրափակիչում Լոնդոնի «Արսենալը» կմրցի Մադրիդի «Աթլետիկոյի» հետ: Շվեյցարական Նիոնում ապրիլի 13-ին անցկացված վիճակահանության արդյունքում անգլիական ակումբն առաջին հանդիպումը կանցկացնի տանը:

Կիսաեզրափակիչի մյուս զույգը կազմեցին ավստրիական «Զալցբուրգը» եւ ֆրանսիական «Մարսելը»։ Այդ դիմակայության առաջին խաղը տեղի կունենա Մարսելում:

Եզրափակիչում դաշտի տեր կհամարվի «Մարսել» - «Զալցբուրգ» զույգի հաղթողը:

Եվրոպայի լիգայի կիսաեզրափակիչի առաջին հանդիպումները կկայանան ապրիլի 26-ին, իսկ պատասխան խաղերը՝ մայիսի 3-ին։ Եզրափակիչը կանցկացվի մայիսի 16-ին Լիոնում:

Հիշեցնենք, որ Եվրոպայի լիգայի գործող հաղթողն է անգլիական «Մանչեսթեր Յունայթեդը», որն այս տարի հանդես էր գալիս Չեմպիոնների լիգայում եւ պայքարը լքեց 1/8 եզրափակիչում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։