Աարոն Ռեմզին ցուցադրել է վնասված ոտքը (ֆոտո)

17:14   13 ապրիլի, 2018

Լոնդոնի «Արսենալի» ուելսցի կիսապաշտպան Աարոն Ռեմզին ցուցադրել է Մոսկվայի ԲԿՄԱ-ի հետ Եվրոպայի լիգայի քառորդ եզրափակիչի պատասխան խաղում (2:2) ստացած վնասվածքը:

«Շնորհակալություն բժիշկ, որ օգնեցիր ինձ»,- Ինստագրամում գրել է Ռեմզին՝ տեղադրելով վնասված ոտքի լուսանկարը:

Հիշեցնենք, որ Մոսկվայում կայացած խաղում Աարոն Ռեմզին մեկնարկային կազմում հանդես էր եկել առանց փոխարինման եւ գոլի հեղինակ դարձել ավելացված ժամանակում: «Արսենալի» եւ Հայաստանի ազգային հավաքականի կիսապաշտպան Հենրիխ Մխիթարյանը հանդիպումը բաց թողեց ծնկի վնասվածքի պատճառով:

Եվրոպայի լիգայի կիսաեզրափակիչում «Արսենալը» մրցելու է Մադրիդի «Աթլետիկոյի» հետ, իսկ մյուս զույգը կազմել են ավստրիական «Զալցբուրգը» եւ ֆրանսիական «Մարսելը»: Կիսաեզրափակիչի առաջին հանդիպումները կկայանան ապրիլի 26-ին, իսկ պատասխան խաղերը՝ մայիսի 3-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։