Արսեն Վենգեր. Մի անհանգստացեք Հենրիխ Մխիթարյանի վնասվածքի համար
11:22 13 ապրիլի, 2018Լոնդոնի «Արսենալի» գլխավոր մարզիչ Արսեն Վենգերը Մոսկվայի ԲԿՄԱ-ի հետ Եվրոպայի լիգայի քառորդ եզրափակիչի պատասխան հանդիպումից (2:2) հետո անդրադարձել է նաեւ Հայաստանի ազգային հավաքականի կիսապաշտպան Հենրիխ Մխիթարյանին, որը խաղը բաց թողեց ծնկի վնասվածքի պատճառով:
«Մխիթարյանը վնասել է ծնկի կապանները: Նա բաց կթողնի 2 շաբաթ: Մի անհանգստացեք: Մենք ունենք հրաշալի բժշկական շտաբ, իսկ Հենրիխն անցնում է վերականգնողական լուրջ փուլ»,- ֆրանսիացի մասնագետի խոսքը մեջբերում է «Արսենալի» կայքը:
Հիշեցնենք, որ Հենրիխ Մխիթարյանի ծնկի վնասվածք էր ստացել ԲԿՄԱ-ի դեմ Եվրոպայի լիգայի քառորդ եզրափակիչի առաջին խաղում (4:1), որում փոխարինվել էր 61-րդ րոպեին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։