Պաշտոնական․ Հայաստանի հավաքականն ընկերական հանդիպում կանցկացնի Մալթայի հետ
14:38 11 ապրիլի, 2018Ֆուտբոլի Հայաստանի ազգային հավաքականն ընկերական հանդիպում կանցկացնի Մալթայի թիմի հետ։ Խաղը տեղի կունենա մայիսի 29-ին Ավստրիայում, հաղորդում է Մալթայի ֆուտբոլի ֆեդերացիայի կայքը։
Ավստրիայում Մալթայի հավաքականն ընկերական հանդիպում կանցկացնի նաեւ Վրաստանի (հունիսի 1) եւ Մոլդովայի (հունիսի 4) թիմերի հետ։
Ավելի վաղ NEWS.am Sport-ը հայտնել էր, որ Հայաստանի հավաքականը շարունակում է բանակցել ընկերական խաղեր անցկացնելու վերաբերյալ։ Սպասվում է, որ առաջիկա ընկերական հանդիպումներին Հայաստանի հավաքականին կմիանան նորեկներ՝ ռուսական «Տոսնոյի» դարպասապահ Դավիդ Յուրչենկոն, շվեդական «Գյոտեբորգի» պաշտպան Անդրե Կալիսիրը եւ դանիական «Հոբրոյի» կիսապաշտպան Էդգար Բաբայանը:
Ազգերի լիգայի խմբային փուլում Հայաստանի հավաքականը մրցելու է Մակեդոնիայի, Լիխտենշտեյնի եւ Ջիբրալթարի հետ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։