Mirror. Մխիթարյանի համար Պրեմյեր լիգայի մրցաշրջանն ավարտված է
21:28 10 ապրիլի, 2018Լոնդոնի «Արսենալի» եւ Հայաստանի ազգային հավաքականի կիսապաշտպան Հենրիխ Մխիթարյանի համար Անգլիայի Պրեմյեր լիգայի մրցաշրջանն ավարտված է, հաղորդում է բրիտանական Mirror-ը: Ծնկահոդի վնասվածքից հետո հայ ֆուտբոլիստը դարձյալ հետազոտվել է:
Չի բացառվում, որ 29-ամյա ֆուտբոլիստը պատրաստ լինի Եվրոպայի լիգայի եզրափակիչին, եթե «Արսենալը» հասնի վճռական փուլ: Այդ խաղը տեղի կունենա մայիսի 16-ին Ֆրանսիայի Լիոն քաղաքում:
Անգլիայի առաջնության վերջին տուրը տեղի կունենա մայիսի 13-ին:
Հիշեցնենք, որ Հենրիխ Մխիթարյանը ծնկահոդի վնասվածքը ստացել էր Մոսկվայի ԲԿՄԱ-ի դեմ Եվրոպայի լիգայի քառորդ եզրափակիչի առաջին խաղում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։