Չեմպիոնների լիգայի քառորդ եզրափակիչի պատասխան հանդիպումից առաջ Մադրիդի «Ռեալի» ֆրանսիացի գլխավոր մարզիչ Զինեդին Զիդանը խոստովանել է, որ կնախընտրեր նվաճել Իսպանիայի չեմպիոնի կոչումը, եթե ընտրություն լիներ Չեմպիոնների լիգայի եւ Պրիմերայի միջեւ:Նախորդ 4.5 տարում «Ռեալը» երեք անգամ նվաճել է Չեմպիոնների լիգայի գավաթը, մեկ անգամ՝ Իսպանիայի չեմպիոնի կոչումը:
«Չեմ համարում Իտալիայի առաջնությունը թույլ մրցաշար, սակայն Իսպանիայի առաջնությունն ուժեղագույնն է: Չեմպիոնների լիգայի գավաթին կնախընտրեի Իսպանիայի չեմպիոնի կոչումը: Չգիտեմ՝ ինչում է թիմն անհաջող հանդես գալիս Իսպանիայի առաջնությունում:
«Յուվենտուսի» դեմ առաջին հանդիպման արդյունքն արդեն մոռացել ենք: Պատասխան խաղին տրամադրվում ենք, ասես՝ եզրափակիչ լինի»,- Զիդանի խոսքը մեջբերում է ESPN-ը:
Հիշեցնենք, որ Թուրինում տեղի ունեցած առաջին խաղում Արքայական ակումբը հաղթել է 3:0 հաշվով: Պատասխան հանդիպումը Մադրիդում տեղի կունենա ապրիլի 11-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։