Արմեն Գյուլբուդաղյանցը՝ Հայաստանի երիտասարդական հավաքականի գլխավոր մարզիչ
17:11 10 ապրիլի, 2018Երեւանի «Փյունիկը» գլխավորող Արմեն Գյուլբուդաղյանցը նշանակվել է Հայաստանի երիտասարդական հավաքականի գլխավոր մարզիչ։ Նման որոշում է կայացվել ՀՖՖ Գործկոմի հերթական նիստում, հայտնում է ՀՖՖ կայքը։
Մարզչական կարիերայի ընթացքում 51-ամյա Գյուլբուդաղյանցն աշխատել է «Բանանցում», «Իմպուլսում», «Ալաշկերտում», Հայաստանի մինչեւ 19 եւ 21 տարեկանների հավաքականներում, Իրանի «Գոլ Գոհար» եւ «Փադիդեհ» ակումբներում, իսկ «Փյունիկը» երկրորդ անգամ գլխավորել էր 2017 թվականի հունիսին։
Հայաստանի երիտասարդական հավաքականի գլխավոր մարզիչի պաշտոնում Արմեն Գյուլբուդաղյանցը կփոխարինի Արթուր Ոսկանյանին։
Հիշեցնենք, որ ապրիլի 10-ին ՀՖՖ Գործկոմի նիստում Վարդան Մինասյանը նշանակվել էր Հայաստանի ազգային հավաքականի գլխավոր մարզիչ, որը զբաղեցրել էր 2009-2013 թվականներին։
Ֆոտո՝ «Փյունիկի» մամուլի ծառայություն
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.