ԱԱ-2018․ Եգիպտոսի հավաքականի երկրպագուն Մոսկվա կուղեւորվի հեծանիվով

15:20   10 ապրիլի, 2018

Եգիպտոսի բնակիչ Մոհամեդ Նուֆալը հեծանիվով Ռուսաստան կուղեւորվի 2018թ. ֆուտբոլի աշխարհի առաջնության եզրափակիչ մրցաշարի համար, գրում է Reuters-ը։

24-ամյա եգիպտացին պետք է անցնի 5 հազար կմ։ Նա հույս ունի 65 օրում հասնել Մոսկվա՝ անցնելով Բուլղարիայի, Ռումինիայի, Մոլդովայի եւ Ուկրաինայի տարածքով, որպեսզի ԱԱ-2018-ում երկրպագի Եգիպտոսի հավաքականին։

Հիշեցնենք, որ աշխարհի առաջնության եզրափակիչ մրցաշարը կանցկացվի հունիսի 14-ից հուլիսի 15-ը Ռուսաստանի 11 քաղաքներում՝ Մոսկվայում, Սանկտ Պետերբուրգում, Սոչիում, Կազանում, Նիժնի Նովգորոդում, Սարանսկում, Սամարայում, Դոնի Ռոստովում, Վոլգոգրադում, Կալինինգրադում եւ Եկատերինբուրգում: Աշխարհի չեմպիոնի տիտղոսը կպաշտպանի Գերմանիայի հավաքականը: 

28 տարվա ընդմիջումից հետո աշխարհի առաջնության ուղեգիր նվաճած Եգիպտոսի հավաքականը խմբային փուլում մրցելու է Ռուսաստանի, Սաուդյան Արաբիայի եւ Ուրուգվայի թիմերի հետ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։