Իբրահիմովիչի դուբլը ֆանտաստիկ «քամբեք» պարգեւեց «Լոս Անջելես Գելաքսիին» (ֆոտոշարք)

Անկրկնելի Զլատան Իբրահիմովիչի նորամուտն օվկիանոսից այն կողմ այլ կերպ հնարավոր չէր։ Ամերիկյան «Լոս Անջելես Գելաքսի» նորեկ  Զլատան Իբրահիմովիչը MLS-ում նորամուտը նշեց հաղթական դուբլով։

MLS-ի կանոնավոր առաջնության 5-րդ տուրում «Լոս Անջելես Գելաքսին» տանը 4։3 հաշվով հաղթեց լիգայի նորեկ «Լոս Անջելեսին», որը չպահպանեց 3 գոլի առավելությունը։ Մինչեւ 61-րդ րոպեն հյուրերը հաղթում էին 3։0 հաշվով, սակայն «Լոս Անջելես Գելաքսին» դարձավ ֆանտաստիկ «քամբեքի» հեղինակ։

36-ամյա Իբրահիմովիչը փոխարինման դուրս եկավ 71-րդ րոպեին, երբ հաշիվը 1։3 էր։ 6 րոպե անց շվեդ հարձակվողը ֆանտաստիկ հարվածով հաշիվը դարձրեց 3։3, իսկ ավելացված ժամանակում նաեւ հաղթանակ պարգեւեց դաշտի տերերին։

«Լոս Անջելեսի» ուրուգվահայ հարձակվող Դիեգո Ռոսին մեկնարկային կազմում հանդես եկավ առանց փոխարինման եւ դարձավ գոլային փոխանցման հեղինակ։

Հիշեցնենք, որ 36-ամյա Իբրահիմովիչն օրեր առաջ խզել էր անգլիական «Մանչեսթեր Յունայթեդի» հետ պայմանագիրը եւ տեղափոխվել ԱՄՆ։ Շվեդիայի հավաքականի նախկին ավագի պայմանագիրը «Լոս Անջելես Գելաքսիի» հետ նախատեսվեծ է մինչեւ 2019 թվականի ավարտը, իսկ նրա տարեկան աշխատավարձը կկազմի 1․6 միլիոն եվրո։ Նախկինում շվեդ հարձակվողը հանդես է եկել նաեւ շվեդական «Մալմյոյում», Ամստերդամի «Այաքսում», իտալական «Ինտերում», «Յուվենտուսում» ու «Միլանում», կատալոնական «Բարսելոնայում» ու ֆրանսիական ՊՍԺ-ում։

MLS, կանոնավոր առաջնություն

«Լոս Անջելես Գելաքսի» - «Լոս Անջելես»՝ 4։3

Սեբաստյեն Լլետժեթ, 61 Քրիս Պոնտիուս, 73, Զլատան Իբրահիմովիչ, 73, 90+1 – Կարլոս Վելա, 5, 26, Դենիել Սթերս, 48 (ինքնագոլ)