Գերմանական Բունդեսլիգայի 28-րդ տուրի կենտրոնական խաղում պայքար չստացվեց։ Առաջատար Մյունխենի «Բավարիան» ընդունեց Դորտմունդի «Բորուսիային» եւ խփեց 6 անպատասխան գոլ։ Առաջին խաղակեսում մյունխենցիներն աչքի ընկան 5 անգամ՝ հանելով հաղթողի վերաբերյալ բոլոր հարցերը։ Հեթ-տրիկի հեղինակ դարձավ լեհ հարձակվող Ռոբերտ Լեւանդովսկին, որը 26 գոլով վստահորեն գլխավորում է ռմբարկուների ցուցակը։
«Բավարիան» միավորների քանակը հասցրեց 69-ի եւ շարունակում է 17 միավոր գերազանցել երկրորդ տեղում գտնվող «Շալկեին»։
Հիշեցնենք, որ Բունդեսլիգայում այսօր 6։0 հաշվով հաղթանակ էր տարել նաեւ «Հոֆենհայմը», որը տանը 6 անպատասխան գնդակ էր ուղարկել հետնապահ «Քյոլնի» դարպասը։
Գերմանիայի առաջնություն, 28-րդ տուր
«Բավարիա» - «Բորուսիա Դ․»՝ 6։0
Ռոբերտ Լեւանդովսկի, 5, 44, 83, Խամես Ռոդրիգես, 14, Թոմաս Մյուլեր, 23, Ֆրանկ Ռիբերի, 45+1
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։