ԵԱ․ Եվս 2 հայ բռնցքամարտիկները մեկնարկել են հաղթանակով

Ռումինիայում ընթացող բռնցքամարտի Եվրոպայի 18-22 տարեկանների առաջնությունում երեկ ռինգ դուրս եկած Հայաստանի 4 ներկայացուցիչներից երկուսը հաղթել են, հայտնում է Հայաստանի բռնցքամարտի ֆեդերացիայի մամուլի ծառայությունը։

Պարտություն են կրել 52 կգ քաշային Վահե Բադալյանն ու գերծանր քաշային Գուրգեն Հովհաննիսյանը, իսկ 56 կգ քաշային Էրիկ Պետրոսյանն ու 75 կգ քաշային Համբարձում Հակոբյանը հաղթանակ են տարել ու դուրս եկել 1/8 եզրափակիչ:

Մարտի 27-ին ռինգ դուրս կգան ու քառորդ եզրափակիչի համար կպայքարեն 56 կգ քաշային Էրիկ Պետրոսյանը, 60 կգ քաշային Հրայր Շահվերդյանը, 69 կգ քաշային Գուրգեն Մադոյանը, 75 կգ քաշային Համբարձում Հակոբյանն ու 91 կգ քաշային Նարեկ Մանասյանը, հայտնում է Հայաստանի բռնցքամարտի ֆեդերացիայի մամուլի ծառայությունը։