«Բարսելոնայի» նախկին ավագ. Նեյմարը պրոֆեսիոնալ է, կարող է եւ «Ռեալ» տեղափոխվել
00:37 25 մարտի, 2018«Բարսելոնայի» նախկին ավագ Կարլես Պույոլը նորմալ է համարում կատալոնական ակումբից ֆրանսիական ՊՍԺ տեղափոխված բրազիլացի հարձակվող Նեյմարի հնարավոր տրանսֆերին Մադրիդի «Ռեալ»:
«Նեյմարը կարող է տեղափոխվել «Ռեալ»: Ես ոչ մի խնդիր չեմ տեսնում: Նա պրոֆեսիոնալ է, եւ անիրական չէ նրա տեղափոխությունը: Բայց կարծում եմ՝ նրա համար ծանր կլինի ՊՍԺ-ից հեռանալը, քանի որ այդ ակումբն այդքան գումար է ծախսել:
«Ռեալն» ու «Բարսելոնան» ուժեղագույն ակումբներ են եւ պետք է շատ լավ մտածել այդ թիմերից հեռանալուց առաջ: Բայց կան նաեւ նոր հարուստ ակումբներ, որոնք ձգտում են ձեռք բերել հայտնի խաղացողների եւ հավաքել ուժեղ թիմ: Շուկայի կանոններ են: Խելահեղության պետք է դիմել շատ հայտնի խաղացողի հետ պայմանագիր կնքելու համար»,- Պույոլի խոսքը մեջբերում է A Bola-ն:
Հիշեցնենք, որ ՊՍԺ-ն Նեյմարին ձեռք է բերել 222 միլիոն եվրոյով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։