Իբրահիմովիչ. «Լոս Անջելես Գելաքսին» լավագույն թիմն է ԱՄՆ-ում
23:47 23 մարտի, 2018«Մանչեսթեր Յունայթեդից» հեռացած շվեդ հարձակվող Զլատան Իբրահիմովիչը պատմել է, թե ինչու է որոշել կարիերան շարունակել ամերիկյան «Լոս Անջելես Գելաքսիում»:
«Որոշեցի պայմանագիր կնքել «Գելաքսիի» հետ, քանի որ կարծում եմ՝ այս տեղը համապատասխանում է ինձ: Ես կկարողանամ շատ բան տալ ակումբին եւ օգնել թիմին: Սա լավագույն թիմն է ԱՄՆ-ում: Ոչ մի կասկած չեմ ունեցել: Ես մեծ սպասումներ ունեմ: Հույս ունեմ, որ ամեն ինչ լավ կլինի, եւ բոլորս կլինենք երջանիկ: Ես շատ բան եմ պահանջում իմ խաղից եւ ճնշում եմ գործադրում իմ վրա:
Ինձ լավ եմ զգում, շատ համառ աշխատում եմ մարզումներին: Ցանկանում եմ հասնել հնարավոր առավելագույնին: Բոլոր թիմերում ես տիտղոսներ եմ նվաճել: Ցանկանում եմ հաղթել: Հույս ունեմ՝ դա կշարունակվի նաեւ այստեղ: Այլ վայրում, նույն Զլատանը»,- Իբրահիմովիչի խոսքը մեջբերում է ակումբի մամուլի ծառայությունը:
«Լոս Անջելես Գելաքսիում» Իբրահիմովիչը հանդես կգա 9 համարի խաղաշապիկով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։