Ռուսաստանը ներկայացնող Կարեն Խաչանովը եւ Անդրեյ Ռուբլյովը հաղթանակով են մեկնարկել Մայամիում ընթացող «Մասթերս-1000» շարքի մրցաշարի զուգախաղում։ Առաջին շրջանում Ռուսաստանի առաջին եւ երկրորդ ռակետները 3 սեթում հաղթել են ֆրանսիացի Ֆաբրիս Մարտենին ու խորվաթ Ֆրանկո Շկուգորին՝ 6։7, 6։3, (15։13)։ Պայքարը տեւել է 1 ժամ 37 րոպե։
Սերբիան ներկայացնող Նովակ Ջոկովիչն ու Վիկտոր Տրոիցկին պարտություն են կրել խորվաթ Նիկոլա Մեկտիչից ու ավստրիացի Ալեքսանդր Պեյայից՝ 6:4, 5:7, (3:10)։
Սա աշխարհի նախկին առաջին ռակետ Նովակ Ջոկովիչի երկրորդ մրցախաղն էր արմունկի վնասվածքից վերականգնվելուց հետո։ Վերջերս սերբ թենիսիստը մասնակցել էր Ինդիան Ուելսի մրցաշարին, որի մեկնարկային մրցախաղում պարտվել էր ճապոնացի Տարո Դենիելին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։