Մայամի․ Խաչանովն ու Ջոկովիչը հանդես կգան զուգախաղում

Ռուսաստանի երկրորդ ռակետ Կարեն Խաչանովը կմասնակցի Մայամիում մեկնարկող «Մասթերս-1000» շարքի մրցաշարի զուգախաղին, հայտնում է մրցման մամուլի ծառայությունը։

Մոսկվացի 21-ամյա թենիսիստի զուգընկերը կլինի Ռուսաստանի առաջին ռակետ Անդրեյ Ռուբլյովը։ Մարտի 22-ին նրանք առաջին շրջանում կմրցեն ֆրանսիացի Ֆաբրիս Մարտենի եւ խորվաթ Ֆրանկո Շկուգորի հետ։

Մայամիի մրցաշարի զուգախաղին կմասնակցի նաեւ աշխարհի նախկին առաջին ռակետ Նովակ Ջոկովիչը, որը հանդես կգա սերբ Վիկտոր Տրոիցկու հետ։

Արմունկի վնասվածքից վերականգնվելուց հետո Ջոկովիչը վերջերս մասնակցել էր Ինդիան Ուելսի մրցաշարին, որի մեկնարկային մրցախաղում պարտվել էր ճապոնացի Տարո Դենիելին։