Ռոման Բերեզովսկին՝ ԱԱ-2018-ում Ռուսաստանի թիմի հնարավորությունների մասին

18:10   20 մարտի, 2018

Ֆուտբոլի Հայաստանի ազգային հավաքականի եւ Սանկտ Պետերբուրգի «Զենիթի» նախկին դարպասապահ Ռոման Բերեզովսկին գնահատել է Ռուսաստանի հավաքականի շանսերը 2018թ. հունիս-հուլիսին այդ երկրում կայանալիք աշխարհի առաջնությունում:

«Աշխարհի առաջնությունը մեծ իրադարձություն է ամբողջ երկրի համար: Մինչեւ վերջերս վստահ էի, որ Ռուսաստանի հավաքականը կարող է հասնել աշխարհի առաջնության քառորդ եզրափակիչ, սակայն թիմը կորցրեց մի քանի առանցքային խաղացողների:Նրանցից վերջինը Ալեքսանդր Կոկորինն էր: Այժմ Ռուսաստանի թիմի համար շատ ծանր կլինի: Բայց հավատում եմ, որ կկարողանա խմբից դուրս գալ:

«Զենիթի» ստադիոնը սուպեր է, ֆանտաստիկա է: Պետերբուրգի կլիմայի պայմաններում դա լավագույնն էր, որ հնարավոր էր հորինել: Եթե Ռուսաստանում ունենայինք մի քանի այդպիսի ստադիոններ, մեր առաջնության մակարդակը կբարձրանար»,- Բերեզովսկու խոսքը մեջբերում է «Զենիթի» պաշտոնական կայքը:

Հիշեցնենք, որ 2015-2017 թվականներին Բերեզովսկին Մոսկվայի «Դինամոյի» դարպասապահների մարզիչն էր:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։