Հենրիխ Մխիթարյանի հանդիպումը Հայաստանի Մ-17 եւ Մ-19 հավաքականների հետ (ֆոտոշարք)
16:19 20 մարտի, 2018Լոնդոնի «Արսենալի» կիսապաշտպան Հենրիխ Մխիթարյանն Ավանի ֆուտբոլային ակադեմիայում հանդիպել է Հայաստանի Մ-17 եւ Մ-19 հավաքականների ֆուտբոլիստների հետ, հայտնում է ՀՖՖ-ի մամուլի ծառայությունը։
Հանդիպմանը ներկա է եղել նաեւ Հայաստանի ազգային հավաքականի գլխավոր մարզիչ Արթուր Պետրոսյանը։
Հիշեցնենք, որ Մխիթարյանը Հայաստան է ժամանել Էստոնիայի (մարտի 24) եւ Լիտվայի (մարտի 27) դեմ Երեւանում կայանալիք ընկերական հանդիպումներին մասնակցելու համար։
Վերջերս Հայաստանի մինչեւ 19 տարեկանների հավաքականը գլխավորել էր արգենտինացի Ֆերնանդո Արիել Բատիստան, որը նախկինում աշխատել է Արգենտինայի Մ-20 թիմի հետ։ Արգենտինացի մեկ այլ մասնագետ Գաբրիել Դարիո Դի Նոյան նշանակվել էր Հայաստանի Մ-17 հավաքականի գլխավոր մարզիչ։
Ֆոտո՝ ՀՖՖ
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։