Ֆուտբոլի Եվրոպայի գործող չեմպիոն Պորտուգալիայի հավաքականը պաշտոնապես ներկայացրել է նոր համազգեստը, որով հանդես կգա Ռուսաստանում կայանալիք աշխարհի առաջնության եզրափակիչ փուլում։
Նոր համազգեստում պորտուգալացիները պահպանել են ավանդական գույները՝ կարմիրը եւ սպիտակը։ Թիմի տեխնիկական հովանավորը շարունակում է մնալ Nike-ը։
Աշխարհի առաջնությունը կանցկացվի հունիսի 14-ից հուլիսի 15-ը Ռուսաստանի 11 քաղաքներում՝ Մոսկվայում, Սանկտ Պետերբուրգում, Սոչիում, Կազանում, Նիժնի Նովգորոդում, Սարանսկում, Սամարայում, Դոնի Ռոստովում, Վոլգոգրադում, Կալինինգրադում եւ Եկատերինբուրգում:
Խմբային փուլում Պորտուգալիայի հավաքականը կմրցի Իսպանիայի (հունիսի 1, Սոչի), Մարոկկոյի (հունիսի 20, Մոսկվա) եւ Իրանի (հունիսի 25, Սարանս) թիմերի հետ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։