Սպորտի նախարարն ընդունել է իրանցի օլիմպիական չեմպիոն Համիդ Սորիանին
21:08 19 մարտի, 2018Սպորտի նախարար Հրաչյա Ռոստոմյանն ընդունել է հունահռոմեական ըմբշամարտի օլիմպիական չեմպիոն, աշխարհի վեցակի չեմպիոն, իրանցի Համիդ Սորիանին:
«Մեր երկու երկրների համագործակցությունը սպորտում եւ հատկապես՝ ըմբշամարտում, ծառայում է այդ մարզաձեւի զարգացմանը Հայաստանում եւ Իրանում: Վստահ եմ, որ հայ եւ իրանցի ըմբիշները մարզագորգի վրա ախոյաններ են, սակայն մրցահարթակից դուրս լավ ընկերներ են: Դրա վառ ապացույցը մեր այսօրվա հանդիպումն է»,- ասել է Հրաչյա Ռոստոմյանի խոսքը մեջբերում է Սպորտի նախարարության մամուլի ծառայությունը:
Նախարարը հյուրին է հանձնել Հայաստանի օլիմպիական կոմիտեի 25-ամյակի կապակցությամբ թողարկված հուշամեդալ: Համիդ Սորիանը շնորհակալություն է հայտնել նվերի, ջերմ ընդունելության եւ ցուցաբերած ուշադրության համար:
Հանդիպմանը մասնակցել են նաեւ Հայաստանի ըմբշամարտի ֆեդերացիայի ներկայացուցիչները:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.