Ֆուտբոլի Լյուքսեմբուրգի առաջնության 18–րդ տուրում «Պրոգրեսը» արտագնա խաղում 2։1 հաշվով հաղթել է «Դիֆերդանժին»։
Հյուրերի երկրորդ գոլը խփել է Հայաստանի հավաքականի նախկին հարձակվող Ալեքսանդր Կարապետյանը։ 30–ամյա ֆուտբոլիստը 18 գոլով գլխավորում է ընթացիկ առաջնության ռմբարկուների մրցավազքը։
Սլովակիայի Բարձրագույն լիգայի հերթական տուրում «Նիտրան» տանը նվազագույն հաշվով պարտության է մատնել «Զլատե Մորավցեին»։ Գոլային փոխանցումը կատարել է 24–ամյա հարձակվող Վահագն Միլիտոսյանը, որը նախկինում հրավեր է ստացել Հայաստանի հավաքականից։
Բելգիական «Լյերսը» ստուգողական խաղում 2։3 հաշվով պարտվել է «Վեստերլոյին»։ «Լյերսի» կազմում գոլի եւ գոլային փոխանցման հեղինակ է դարձել հայկական ծագումով 28–ամյա հարձակվող Իվան Յագանը։
Լուսանկարում՝ Ալեքսանդր Կարապետյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։