Լյուկ Շոուն Մոուրինյոյի պատճառով որոշել է հեռանալ «Մանչեսթեր Յունայթեդից»

«Մանչեսթեր Յունայթեդի» անգլիացի պաշտպան Լյուկ Շոուն որոշել է այս մրցաշրջանի վերջում հեռանալ անգլիական ակումբից, գրում է BBC-ն։

«Բրայթոնի» դեմ Անգլիայի գավաթի խաղարկության քառորդ եզրափակիչի խաղում (2։0) «Մանչեսթեր Յունայթեդի» գլխավոր մարզիչ Ժոզե Մոուրինյոն փոխարինել էր Շոուին՝ նրա փոխարեն դաշտ դուրս բերելով Էշլի Յանգին։ Հետխաղյա ասուլիսում պորտուգալացի մասնագետը նշել էր, որ նման որոշում է կայացրել, քանի որ Լյուկ Շոուն չի կատարել իր հրահանգները։

Անգլիացի ֆուտբոլիստը խիստ հուսահատվել է Մոուրինյոյի մեկնաբանությունից եւ որոշել փոխել ակումբը։

Լյուկ Շոուն 2014-ին «Սաութհեմփթոնից» է տեղափոխվել «Մանչեսթեր Յունայթեդ», որը 27 միլիոն ֆունտ ստերլինգ է վճարել նրան ձեռք բերելու համար։