Ծնվել է Շվայնշտայգերի ու Անա Իվանովիչի առաջնեկը

Աշխարհի նախկին առաջին ռակետ, սերբ թենիսիստուհի Անա Իվանովիչը որդի է ունեցել Գերմանիայի հավաքականի, Մյունխենի «Բավարիայի» եւ «Մանչեսթեր Յունայթեդի» նախկին կիսապաշտպան Բաստիան Շվայնշտայգերից: Աստղային զույգի առաջնեկը ծնվել է Չիկագոյում, հայտնում է Blic-ը։

30-ամյա Իվանովիչն ու 33-ամյա Շվայնշտայգերն ամուսնացել էին 2016-ի ամռանը Վենեցիայում: Զույգը հանդիպում է 2014-ից:

Գերմանացի ֆուտբոլիստը 2017-ից խաղում է ամերիկյան «Չիկագո Ֆայրում», իսկ սերբ թենիսիստուհին կարիերան ավարտել է 2016-ին։ Իվանովիչը թվիթերյան էջում հաստատել է երեխայի ծնվելու մասին լուրը՝ տեղադրելով լուսանկար։

Welcome to the world our little boy. Words can not describe the joy and the happiness we feel in our hearts! @BSchweinsteiger pic.twitter.com/Mk8lyJFwvh

— Ana Ivanovic (@AnaIvanovic) March 19, 2018