Ֆերդինանդ Կարապետյանը հաղթել է օլիմպիական չեմպիոնին եւ նվաճել արծաթե մեդալ (ֆոտո)
16:45 18 մարտի, 2018Հայաստանի ներկայացուցիչ Ֆերդինանդ Կարապետյանն արծաթե մեդալակիր է դարձել Ռուսաստանի Եկատերինբուրգ քաղաքում կայացած ձյուդոյի «Մեծ սաղավարտ» միջազգային մրցաշարում։
73 կգ քաշային կարգում 26-ամյա մարզիկը 4 հաղթանակ տանելուց հետո դուրս է եկել եզրափակիչ, որտեղ պարտություն է կրել Մոնղոլիայի ներկայացուցիչ Ցոգթբաթար Օչիրիից։ Կիսաեզրափակիչում Ֆերդինանդ Կարապետյանը հաղթել է Ռիո-2016 Օլիմպիական խաղերի չեմպիոն, իտալացի Ֆաբիո Բազիլեին։
Մրցաշարին Հայաստանի ձյուդոիստներից մասնակցել են նաեւ Արսեն Ղազարյանը (73 կգ) եւ Վարդան Խաչատրյանը (81 կգ)։
Հիշեցնենք, որ նախորդ ամիս Ֆերդինանդ Կարապետյանը բրոնզե մեդալ էր նվաճել Գերմանիայի Դյուսելդորֆ քաղաքում անցկացված «Մեծ սաղավարտ» մրցաշարում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.