Լուկակուի եւ Մատիչի գոլերը «Մանչեսթեր Յունայթեդին» դուրս բերեցին կիսաեզրափակիչ

01:36   18 մարտի, 2018

«Մանչեսթեր Յունայթեդը» նվաճեց Անգլիայի գավաթի խաղարկության կիսաեզրափակիչի ուղեգիրը: Պորտուգալացի Ժոզե Մոուրինյոյի գլխավորած թիմը «Օլդ Տրաֆորդում» 2:0 հաշվով պարտության մատնեց «Բրայթոնին»:

Առաջին խաղակեսում սերբ կիսապաշտպան Նեմանյա Մատիչի փոխանցումից հետո մրցակցի դարպասը գրավեց բելգիացի հարձակվող Ռոմելու Լուկակուն: Վերջնամասում հաշիվը կրկնապատկեց Մատիչը:

Հիշեցնենք, որ կիսաեզրափակիչի ուղեգիր էր նվաճել նաեւ Լոնդոնի «Տոտենհեմը»: Մյուս երկու զույգերում մարտի 18-ին կհանդիպեն «Ուիգանն» ու «Սաութհեմփթոնը» եւ «Լեսթեր Սիթին» ու «Չելսին»:

Անգլիայի Գավաթ, քառորդ եզրափակիչ

«Մանչեսթեր Յունայթեդ» - «Բրայթոն»՝ 2:0

Ռոմելու Լուկակու, 37, Նեմանյա Մատիչ, 83



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։