Մադրիդի «Ռեալի» ֆրանսիացի գլխավոր մարզիչ Զինեդին Զիդանը մեկնաբանել է Չեմպիոնների լիգայի քառորդ եզրափակիչում Իտալիայի չեմպիոն Թուրինի «Յուվենտուսի» հետ առաջիկա դիմակայությունը:
«Հաշվի առնելով այն փաստը, որ ես հինգ տարի հանդես եմ եկել «Յուվենտուսում»՝ թուրինյան թիմի հետ դիմակայությունը միշտ հուզիչ է ինձ համար: Ես կցանկանայի խուսափել «Յուվենտուսի» հետ դիմակայությունից շատ պատճառներով:
Բայց ես կկենտրոնանամ խաղացողներին ճիշտ տրամադրելու վրա եւ մի կողմ կդնեմ այնտեղ անցկացրած ժամանակի մասին մտքերը: Թեեւ ես միշտ հիշում եմ այդ մասին»,- Զիդանի խոսքը մեջբերում է Mundo Deportivo-ն:
Առաջին հանդիպումը տեղի կունենա ապրիլի 3-ին Թուրինում, պատասխան խաղը՝ ապրիլի 11-ին Մադրիդում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։