Շվեյցարական Նիոնում անցկացվեց ֆուտբոլի եվրոպական Չեմպիոնների լիգայի 1/4 եզրափակիչի վիճակահանությունը: Այս փուլում բոլոր թիմերը կարող էին հանդիպել իրար։
Մրցաշարի գործող գավաթակիր Մադրիդի «Ռեալին» բաժին հասավ Թուրինի «Յուվենտուսը», իսկ կատալոնական «Բարսելոնան» կմրցի իտալական «Ռոմայի» հետ։
«Մանչեսթեր Սիթին» ու «Լիվերպուլը» կհանդիպեն անգլիական դիմակայությունում, իսկ Մյունխենի «Բավարիան» կխաղա «Մանչեսթեր Յունայթեդին» պայքարից դուրս թողած իսպանական «Սեւիլիայի» հետ։
Չեմպիոնների լիգայի քառորդ եզրափակիչի առաջին հանդիպումները կկայանան ապրիլի 3-ին եւ 4-ին, իսկ պատասխան խաղերը՝ ապրիլի 10-ին եւ 11-ին։ Եզրափակիչը կայանալու է մայիսի 26-ին Կիեւի «Օլիմպիական» ստադիոնում: Կիսաեզրափակիչի զույգերը եւս որոշելու են վիճակահանությամբ։
Չեմպիոնների լիգա, 1/4 եզրափակիչ
«Բարսելոնա» (Իսպանիա) - «Ռոմա» (Իտալիա)
«Սեւիլիա» (Իսպանիա) - «Բավարիա» (Գերմանիա)
«Յուվենտուս» (Իտալիա) - «Ռեալ» (Իսպանիա)
«Լիվերպուլ» (Անգլիա) - «Մանչեսթեր Սիթի» (Անգլիա)
Առաջինը նշված թիմերն առաջին խաղերը կանցկացնեն տանը
The official result of the #UCLdraw.
— UEFA Champions League (@ChampionsLeague) March 16, 2018
Predict the final... pic.twitter.com/YAlLd1tWJK
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։