Աշխարհի առաջին ռակետ Ռոջեր Ֆեդերերը ԱՄՆ-ում շարունակվող թենիսի Ինդիան Ուելսի մրցաշարի քառորդ եզրափակիչում 7:5, 6:1 հաշվով հաղթել է հարավկորեացի Չհուն Հյոնին։ Թենիսիստիները կորտում անցկացրել են 1 ժամ 23 րոպե։
Շվեյցարացի թենիսիստը կրկնեց իր անձնական ռեկորդը՝ մրցաշրջանում մեկնարկելով 16 անընդմեջ հաղթանակով։ Նա ռեկորդը սահմանել էր 2006-ին։ Ինդիան Ուելսի մրցաշարի կիսաեզրափակիչ դուրս գալու շնորհիվ Ֆեդերերը կպահպանի առաջին ռակետի կոչումը (308 շաբաթ)։
Եզրափակիչի ուղեգիրը 36-ամյա Ֆեդերերը կվիճարկի խորվաթ Բորն Չորիչի հետ։
Հիշեցնենք, որ Ռոջեր Ֆեդերերը Ինդիան Ուելսի մրցաշարի գործող հաղթողն է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։