Չեմպիոնների լիգա. Յուպ Հայնկեսի ռեկորդը

Մյունխենի «Բավարիայի» գլխավոր մարզիչ Յուպ Հայնկեսը, Չեմպիոնների լիգայի 1/8 եզրափակիչի պատասխան խաղում 3:1 հաշվով հաղթելով թուրքական «Բեշիկթաշին», այդ մրցաշարում տարել է 11-րդ անընդմեջ հաղթանակը։ Նախկինում ոչ մի մարզիչի չէր հաջողվել 11 անընդեջ հաղթանակ տանել Չեմպիոնների լիգայում, հայտնում է ՈւԵՖԱ-ի կայքը։

Նախկինում 2 մարզիչներ Չեմպիոնների լիգայում հասել էին 10 անընդեջ հաղթանակի։ Հոլանդացի Լուի վան Գալը դա արել է «Բարսելոնայի» ու «Բավարիայի» հետ, իսկ իտալացի Կարլո Անչելոտին՝ Մադրիդի «Ռեալի»։

Յուպ Հայնկեսի հաղթական շարքը սկսվել է 2012/13 մրցաշրջանում, երբ «Բավարիան» 5 անընդմեջ հաղթանակ էր տարել՝ սկսած 1/4 եզրափակիչ փուլից։ 2017 թվականի հոկտեմբերին նա վերադարձավ մյունխենյան ակումբ եւ տարավ եւս 6 անընդմեջ հաղթանակ։

#Jupp

Rekordsieg für Heynckes: https://t.co/AgnQuCeGN6 pic.twitter.com/K8KViascjb

— FC Bayern München (@FCBayern) March 14, 2018