«Բարսելոնայի» նախագահ Ժոզեպ Մարիա Բարտոմեուն դժգոհ է, որ կատալոնական թիմի ֆուտբոլիստները հրապարակային մեկնաբանություններում ուղղակի կամ անուղղակի ողջունել են Բրազիլիայի հավաքականի հարձակվող Նեյմարի հնարավոր վերադարձը ֆրանսիական ՊՍԺ-ից «Բարսելոնա», որտեղից նա 222 միլիոն եվրոյի դիմաց հեռացել էր անցած ամռանը, հաղորդում է cope.es-ը:
Բարտոմեուն վստահ է, որ Նեյմարը պայմանագրի խախտումով է խզել համագործակցությունն իր ղեկավարած ակումբի հետ եւ դատական հայցով ֆուտբոլիստից պահանջում է 70 միլիոն եվրո փոխհատուցում:
Նեյմարի վերադարձի օգտին հանդես էին եկել արգենտինացի Լիոնել Մեսին, ուրուգվայցի Լուիս Սուարեսը, բրազիլացի Ֆիլիպե Կոուտինյոն:
Նեյմարի տրանսֆերի համար պայքարելու մտադրություն ունեն նաեւ Մադրիդի «Ռեալը», «Մանչեսթեր Սիթին» ու «Մանչեսթեր Յունայթեդը»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։