Հենրիխ Մխիթարյանի գոլն ու գոլային փոխանցումը նպաստեցին «Արսենալի» հաղթանակին
19:22 11 մարտի, 2018Անգլիական Պրեմյեր լիգայի 30-րդ տուրում Լոնդոնի «Արսենալը» սեփական դաշտում 3:0 հաշվով ուժեղ գտնվեց «Ուոթֆորդից»։ Հայաստանի հավաքականի 29-ամյա կիսապաշտպան Հենրիխ Մխիթարյանը հանդես եկավ Արսեն Վեգների գլխավորած թիմի մեկնարկային կազմում եւ դարձավ գոլի ու գոլային փոխանցման հեղինակ:
Հանդիպման հաշիվը 8-րդ րոպեին բացեց «Արսենալի» գերմանացի պաշտպան Շկոդրան Մուստաֆին, որը խփեց առաջին խաղակեսի միակ գոլը։
59-րդ րոպեին գաբոնցի հարձակվող Պյեր-Էմերիկ Օբամեյանգը Հենրիխ Մխիթարյանի փոխանցումից հետո հաշիվը դարձեց 2։0, իսկ քիչ անց հյուրերը վրիպեցին 11 մետրանոցից։ 77-րդ րոպեին Մխիթարյանը խփեց «Արսենալի» երրորդ գոլը, իսկ մեկ րոպե անց փոխարինվեց։
Դա Հենրիխ Մխիթարյանի երկրորդ գոլն էր «Արսենալի» կազմում։ Օրեր առաջ նա Եվրոպայի լիգայի 1/8 եզրափակիչի առաջին խաղում (2։0) գրավել էր նաեւ իտալական «Միլանի» դարպասը։
Պրեմյեր լիգայի նախորդ 3 տուրերում պարտություն կրած «Արսենալը» հավաքեց 48 միավոր եւ մնաց 6-րդ տեղում։ Չեմպիոնների լիգայի ուղեգիր տվող չորրորդ տեղը զբաղեցնող «Տոտենհեմը» Արսեն Վեգների թիմից առաջ է 10 միավոր։
Անգլիայի առաջնություն, 30-րդ տուր
«Արսենալ» - «Ուոթֆորդ»՝ 3:0
Շկոդրան Մուստաֆի, 8, Պյեր-Էմերիկ Օբամեյանգ, 59, Հենրիխ Մխիթարյան, 77
Չիրացված 11 մետրանոց՝ Տրոյ Դինի, 62 («Ուոթֆորդ»)
«Արսենալ». Պետր Չեխ, Էնզլի Մեյթլենդ-Նայլզ, Ռոբ Հոլդինգ, Շկոդրան Մուստաֆի (Կալում Չեմբերս, 73), Սեադ Կոլաշինաց, Մոհամեդ Էլնենի, Գրանիտ Ջակա, Մեսութ Օզիլ, Ալեքս Իվոբի (Դենի Ուելբեկ, 66), Հենրիխ Մխիթարյան (Ջեկ Ուիլշիր, 78), Պյեր-Էմերիկ Օբամեյանգ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.