Իսպանիայի առաջնության 28-րդ տուրում առաջատար «Բարսելոնան» հյուրընկալվեց հետնապահ «Մալագային» եւ հաղթեց 2:0 հաշվով:
15-րդ րոպեին ուրուգվայցի հարձակվող Լուիս Սուարեսը իսպանացի պաշտպան Ժորդի Ալբայի փոխանցումից հետո բացեց հաշիվը: 28-րդ րոպեին բրազիլացի կիսապաշտպան Ֆիլիպե Կոուտինյոն գեղեցիկ օգտագործեց ֆրանսիացի հարձակվող Ուսման Դեմբելեի փոխանցումը՝ կրնկի հետադարձ հարվածով գրավելով մրցակցի դարպասը՝ 2:0:
«Մալագան» 30-րդ րոպեից հանդես էր գալիս 10 ֆուտբոլիստներով: Կարմիր քարտ ստացավ իսպանացի պաշտպան Սամու Գարսիան, որը կոպիտ խաղաց Ժորդի Ալբայի դեմ:
«Բարսելոնայի» արգենտինացի հարձակվող Լիոնել Մեսին բաց թողեց հանդիպումը երրորդ որդու ծննդյան պատճառով:
«Բարսելոնան» 72 միավորով գլխավորում է մրցաշարային աղյուսակը: Երկրորդ տեղում գտնվող Մադրիդի «Աթլետիկոն» 27 խաղում վաստակել է 61 միավոր: «Մալագան» 13 միավորով եզրափակում է մրցաշարային աղյուսակը:
Իսպանիայի առաջնություն, 28-րդ տուր
«Մալագա» - «Բարսելոնա»՝ 0:2
Լուիս Սուարես, 15, Ֆիլիպե Կոուտինյո, 28
Հեռացում՝ Սամու Գարսիա («Մալագա»), 30
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։