Գերմանացի կիսապաշտպան Մարկո Ռոյսը երկարաձգել է պայմանագիրը Դորտմունդի «Բորուսիայի» հետ մինչեւ 2023 թվականը, հաղորդում է գերմանական ակումբի մամուլի ծառայությունը:
«Երջանիկ եմ եւ հպարտ շարունակել հանդես գալ «Բորուսիայում»: Դորտմունդն իմ տունն է, «Բորուսիան»՝ իմ ակումբը: Մանկուց երազել եմ խաղալ այս թիմում: Նոր պայմանագիրը նաեւ շնորհակալություն է մեր ֆանատներին, որոնք միշտ աջակցել են ինձ: Ամենածանր պահերին ակումբը միշտ օգնել է ինձ: Ցանկանում եմ շնորհակալություն հայտնել այդ ամենի համար»,- ասել է Ռոյսը պայմանագիրը կնքելուց հետո:
28-ամյա ֆուտբոլիստը «Բորուսիայում» է 2012 թվականից եւ 196 խաղում խփել է 92 գոլ, կատարել 61 գոլային փոխանցում: Այս մրցաշրջանում Ռոյսը վնասվածքի պատճառով մասնակցել է միայն 7 հանդիպման, խփել է 3 գոլ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։