Arsenal.com-ի հարցում. Հենրիխ Մխիթարյանը գերազանցել է Մեսութ Օզիլին

16:07   9 մարտի, 2018

Հայաստանի հավաքականի կիսապաշտպան Հենրիխ Մխիթարյանը ճանաչվել է Եվրոպայի լիգայի 1/8 եզրափակիչի «Միլան» – «Արսենալ» խաղում (0։2) անգլիական թիմի լավագույն խաղացողը նաեւ Arsenal.com-ի հարցման արդյունքում։

Քվեարկության մասնակիցների 47 տոկոսը ձայնը տվել է հայ ֆուտբոլիստին։ Երկրորդ տեղում է Գերմանիայի հավաքականի կիսապաշտպան Մեսութ Օզիլը՝ 36 տոկոս։

Հիշեցնենք, որ Օզիլի փոխանցումից հետո Մխիթարյանը խփել էր առաջին գոլը «Արսենալում»։

Մխիթարյանը հանդիպման լավագույն խաղացողն էր ճանաչվել նաեւ ՈւԵՖԱ–ի պաշտոնական կայքի քվեարկությամբ եւ whoscored.com–ի վարկածով։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։