Ռուսաստանի նախագահ Վլադիմիր Պուտինն օգոստոսի 2-ին ոչ պաշտոնական այցով կմեկնի Լոնդոն՝ 30-րդ ամառային Օլիմպիական խաղերի ձյուդոյի մրցումներին հետեւելու համար:
Սպասվում է, որ Ռուսաստանի նախագահը ներկա կլինի 100 կգ եւ մինչեւ 70 կգ քաշայինների կանանց եւ տղամարդկանց մրցաշարերին, հաղորդում է BBC-ն:
Հիշեցնենք, որ Վլադիմիր Պուտինն ունի ձյուդոյի սեւ գոտի, դարձել է Սանկտ Պետերբուրգի չեմպիոն եւ մի քանի վիդեոկուրսերի հեղինակ է:
Մինչեւ օրս Լոնդոնի օլիմպիական խաղերում Ռուսաստանի պատվիրակությունն ունի երկու ոսկե մեդալ, որոնք նվաճել են ձյուդոիստներ Արսեն Գալստյանը (60կգ) եւ Մանսուր Իսաեւը (73կգ):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։